PAN BALANG TAMAK

Ada tuturan satua Pan Balang Tamak. Ia sugih, dueg makruna, dayane lui pesan, tusing nyak kalah teken para krama desane. Nanging ke solahne ento ulihan bebenehan.
Kacrita jani desane paun, bakal nayain Pan Balang Tamak apange kena danda, ditu ia kaarahin, mani semengan tuun siape, desane lakar luas ke alase, ngalih kayu bakal anggon menahin bale agung. Nyen ja kasep bakal kena denda.
Gelisin satua, buin manine, Pan Balang Tamak klanca-klinci jumahne ngantiang siapne tuun. Sawetara suba tengai tepet mara siapne tuun uli bengbengane. Ditu mara ia gegesoan mejalan nututin desane ngalih kayu ka alase. Saget desane suba malipetan pada ngaba kayu.
Disubane neked jumah, paum kone lantas desane bakal nandain Pan Balang Tamak, krana tuara nuutin arah-arah desane. Ditu kelihane mamunyi bangras, “Ih, Pan Balang Tamak , jani cai kene danda”. Masaut Pan Balang Tamak, alus munyinne, “Napi mawinan tiang kena danda? Dening arah-arah desane teken tiang, mani semengan tuun siape desane luas ka alase ngalih kayu. Tiang ngelah siap tuah aukud, sedek makeem. Sawetara kali tepet mara ia tuun. Ditu tiang ngenggalang nuutang sakadi arah-arah desane”. Dadi kalah desane nglawan Pan Balang Tamak, buung ia kena danda.
Kacrita buin manine ia kearahin ngaba senggauk anggon bekel menahang bale agung. Pan Balang Tamak ngaba sanggah uug apang benahange baan desane. Dadi bengong desane teken takeh Pan Balang Tamake, ane setata nguluk-nguluk desane.
Yan ping kuda-kuda suba krama desane bakat uluk-uluka baan Pan Balang Tamak, lantas ada keneh desane lakar misekaang Pan Balang Tamak. Ane jani katunasang cetik ane paling mranena teken Anake Agung, apang Pan Balang Tamak mati acepokan, dayane buka keto dingeha baan Pan Balang Tamak, lantas ia mamunyi teken kurenane, “Yan deweke mati, bok deweke gambahang tur gantungin tambulilingan, liman deweke pagisinin cabak. Bangken deweke sadahang dipiasane, tur ento pangelingin. Yan suba peteng bangken deweke wadahin peti, pejang jumah meten”.
Kacrita jani pan Balang Tamak suba mati kena cetik. Kurenane nuutin pabesen Pan Balang Tamake, krama desane natasang ka umah Pan Balang Tamake. Tepukina Pan Balang Tamak nyededeg ngambahang bok, sambilangan mamantra griem-griem di piasane. Ditu krama desane nguningang cetike tusing mandi teken Anake Agung. Dadi bendu Anake Agung sambilangan nyicipin cetike ento, jeg prejani ida seda.
Sasubane peteng ada dusta ajaka patpat bakal ngamaling pagelahan pan balang Tamake. Di jumah meten tepukina ada peti, laut kepondong abana ke pura desane. Petine ento ungkabanga baan dustane, dapetange bangken Pan Balang Tamake nyengkang. Jeg prejani pada malaib pablesat, petine kutanga di pura.
Semengan mara galang kangin, jero mangku makedas-kedas di pura. Dapetanga ada peti gede di natah pura desane. Petine ento laut kasumbah baan jero mangku kadena paican betara. Krama desane masih pada teka, laut nyumbah. Sasubane pepek krama desane teka, laut petine kaungkabang, ditu tengkejut makejang, dapetanga bangken Pan Balang Tamake nyegagag. Krama desane uyut mamisuhin. Ada ane mamunyi, “Japi pisuhin, kadung suba bakat sumbah, melutang apa ya!”
Pamuput masih desane tuyuh meanin muah nanem bangken Pan Balang Tamake. Yadiapin suba mati pan Balang Tamak masih nyidaang melog-melog anak.
Á=a  ú=ü=ai
Jika Sobat menyukai Artikel di blog ini, Silahkan masukan alamat email sobat pada kotak dibawah untuk berlangganan gratis via email, dengan begitu Sobat akan mendapat kiriman artikel terbaru dari Media Pendidik dan Pendidikan


Artikel Terkait:

0 Komentar
Tweets
Komentar

0 comments:

Post a Comment

Komentar anda sangat menentukan keberlangsungan blog ini.
Apabila anda tidak punya akun, gunakan anonymous
Apabila anda punya, gunakan Nama/URL
»Nama: diisi dengan nama anda
»»URL: diisi dengan alamat web, alamat email, dsb